info@asbaaruba.com
    (+297) 583-1920 / 583-1474

    Single Blog Title

    This is a single blog caption

    Rijbewijs na Aruba

    No ta trahando rijbewijs, con awo

    ORANJESTAD – Ya pa algun tempo personanan cu pasa nan examen di Rijbewijs, no ta hayando e comprobante di esaki y tampoco ta haya un fecha cu nan lo ricibi nan rijbewijs. Segun vocero policial, esaki tin di haber cu e cambio cu kier trece den unda e documento ta wordo traha.

    Cambio
    Vocero policial Lito Lacle, a bisa Bon Dia Aruba den un entrevista cu e costo di rijbewijs ta mesun cos cu locual e ta sali pa laga traha esaki na Hulanda. Tin un plan actualmente unda cu ta purbando di hacie posibel pa traha e documento aki na Aruba cual lo sali mas barata. Sr. Lacle no sa di un fecha cu lo cuminsa cu esaki. Banda di esaki a stop di duna e comprobante cu comunidad conoce como, e prueba cu a pasa e examen di core auto.

    Aworaki personanan cu pasa nan examen no ta ricibi nada, solamente e informacion cu nan lo wordo yama dia cu nan mester trece e placa (50 florin) pa laga traha nan rijbewijs hunto cu nan. Na mes momento esunnan di e departamento a bisa cu lo informa comunidad tambe den medionan ora tur cos ta normal bek.

    Falcificacion
    Sr. Lacle a bisa Bon Dia Aruba cu e por a compronde for di su colega sr. Ricardo Muller hefe di polis di trafico, cu e comprobantenan cu tabata wordo otorga na esunnan cu a logra nan examen di trafico ta wordo falsifica. “E documento di rijbewijs mes ta uno hopi sigur y no tin problema cune, pero asina cu tin un papel esaki ta hopi facil pa falsifica cual a wordo constata.

    Comprobante examen
    Bon Dia Aruba a puntra sr. Lacle con ta para cu control rutinario di polis, ora cu nan topa un persona cu no tin rijbewijs. El a bisa nos cu e polisnan mester ta na altanto di e situacion y lo mester investiga e situacion aki, pero por lo pronto cualkier papel cu tin como comprobante cu a atende e examen mester tin den auto. Finalisando el a bisa cu e lo informa tocante di esaki cu colega Muller pa duna un contesta specifico di e procedura cu polis ta siguiendo pa atende cu e control di e situacion aki.

    Leave a Reply

    Translate »